ʻUa maua e le kampupanī faʻasalalau ʻo le Sāmoana Media se tasi vāega tupe mai le faʻalāpotopotoga faʻavāomālō ʻo le Cultural Survival mo le aʻoaʻoina o le gagana Sāmoa ʻi fānau lāiti mo le tausaga 2023-2024.
Sā filifilia le 60 mai le 507 faʻalāpotopotoga i totonu o le 20 atunuʻu ʻeseʻese sā talosagaina lenei faʻamoemoe faʻavāomālō, ʻae naʻo le tasi lava le sui mai Sāmoa ma le atu Pasefika ʻātoa na taliaina mo lenei taʻamilosaga.
ʻO le igoa o la lātou poloketi ʻo le "Fuifui o le Foaga" ʻo se polokalama e faʻasalalau ai se tasi vāega o la lātou polokalama mo fānau ʻoloʻo iai i le āʻoga ʻāmata. ʻOna ʻo le toʻatele o alo ma fānau a le atunuʻu ʻoloʻo aumau i atunuʻu i fafo ma lē mafai ona āʻoga i totonu o se āʻoga Sāmoa ʻua faʻataʻatia ai le ʻauala e mafai ona faʻatino ai lenei polokalama mo alo o Sāmoa i soʻo se tafa o le lalolagi.
Mo nisi faʻamatalaga o lenei faʻamoemoe, asiasi mai i le ʻupega tafaʻilagi lenei: Meet Our 2023 Indigenous Community Media Fund Grant Partners | Cultural Survival.
Faʻafesoʻotaʻi mai foʻi ʻi le Sāmoana Media, www.samoanamedia.com, mo nisi faʻamatalaga.